அமைச்சர் ஆறுமுகன் தொண்டமான் தலைமையில் அபிவிருத்திக் கூட்டம்

நுவரெலியா மாவட்டத்தின் அபிவிருத்திக் கூட்டம் இலங்கை தொழிலாளர் காங்கிரஸ் பொதுச் செயலாளரும், அமைச்சருமான ஆறுமுகன் தொண்டமான் தலைமையில் ஹட்டனில் (10-07-2010) நடைபெற்றது.

இக்கூட்டத்தில் அமைச்சர்கள், கல்விமான்கள், சமுர்த்தி உத்தியோகத்தர்கள் உள்ளிட்ட பலர் கலந்து கொண்டனர். இக் கலந்துரையாடலில் நுவரெலியா, அம்பேகமுவ, கொத்மலை, ஹங்குராங்கத்த, மற்றும் வலப்பனை ஆகிய பிரதேசங்களில் இனங்கானப்பட்ட அபிருத்தி பணிகள் பற்றி அமைச்சர் ஆறுமுகன் தொண்டமானின் கவனத்திற்கு கொண்டு வரப்பட்டன.

குல்வி, வீடமைப்பு. மின்சாரம், போக்குவரத்து, சுகாதாரம், வேலைவாய்ப்பு, மலையகத்திற்கென தனியான பல்கலைகழகம், ஹட்டன்- டிக்கோயா நகரசபையை மாநகரசபையாக தரம் உயர்த்துதல் மற்றும் அரசிலமைப்பு சீர்திருத்தம் பற்றிய விடயங்கள் இங்கு ஆராயப்பட்டன.

இந்த விடயங்கள் தொடர்பாக நுவரெலியா மாவட்டத்தை பிரதிநிதித்துவப்படுத்தும் வைகையில் அபிவிருத்திக் குழுக்களை அமைப்பது பற்றி முன் வைக்கப்பட்ட பிரேரணையில் அக் குழுவில் பிரதேச கல்விமான்கள்,, புத்திஜீவிகள், அரசியல் பிரதினிதிகள் உள்ளடக்கப்படுவர். அக் குழுக்களின் ஊடாக அபிவிருத்திப் பணிகள் அமைச்சரின் கவனததிற்கு கொண்டு வருவது என உத்தேசிக்கப்பட்டது.

அரசியலமைப்பு மறுசீரமைப்பு தொடர்பாக மலையக மக்களினதும், ஏனைய கட்சிகளினதும் கருத்துக்களை உள்வாங்கி அறிக்கைகளை தயாரிப்பதற்கான குழு அமைக்கப்பட்டுள்ளது.

இவ்வாறான கூட்டங்களை ஏனைய பிரதேசங்களில் நடத்துவதற்கு திட்டமிட்டுள்ளதாக அமைச்சர் ஆறுமுகன் தெரிவித்தார்.

ஓபாவத்தை தோட்டத் தொழிலாளர்களின் வேலை நிறுத்தம்

இரத்தினபுரி மாவட்டம் கஹவத்தை ஓபாவத்தை தோட்டத் தொழிலாளர்கள் வேலைநிறுத்தப் போராட்டத்தில் ஈடுபட்டுள்ளதாக செய்திகள் தெரிவிக்கின்றன.

தோட்டத் தொழிற்சங்களுக்கும் முதலாளிமார் சம்மேளனத்திற்கும் இடையில் ஏற்படுத்தப்பட்ட கூட்டு ஒப்பந்தத்தின்படி தோட்ட தொழிலாளர்கள் ஒரு நாளில் மட்டுப்படுத்தப்பட்ட அளவை விட அதிகமாகக் கொழுந்து பறிக்குமாறு தோட்ட நிர்வாகம் தொழிலாளர்களை வற்புறுத்தியதையடுத்து இப் போராட்டம் மேற்கொள்ளப்படுவதாகத் தெரிவிக்கப்படுகிறது.

ஓப்பந்தத்தின் அடிப்படையில் தொழிலாளர்கள் ஒரு நாளைக்கு 18 கிலோ கிராம் கொழுந்தை மட்டுமே பறித்து வந்தனர். ஆனால் தோட்ட முதலாளிமார்கள் ஒரு நாளைக்கு 22 கிலோ கிராம் கொழுந்து பறிக்கும்படி கட்டாயப்படுத்துவதாகவும் தெரிவித்த தொழிலாளர்கள் ஒரு நாளைக்கு 18 கி.கி கொழுந்து பறிப்பவர்களுக்கு அரைநாள் சம்பளமே வழங்கப்படுவதாகவும் தெரிவிக்கின்றனர்.

பிரதேச செயலகம், கிராம சேவகர் எல்லைகளை மீள் நிர்ணயிக்க முன்மொழிவுகள்

உள்ளுராட்சி அமைப்பின் எல்லைகளில் மாற்றங்களைக் கொண்டு வருதல் என்பது வெறுமனே புவியியலை மாத்திரம் மையப்படுத்தியதாக கொள்ள முடியாது. சிவில், அரசியல், பொருளாதார, கலாச்சார உரிமைகளைச் சார்ந்த சகல விடயங்களையும் தீர்மானிப்பதாக அமைந்திருக்கின்றது. எனவே குறிப்பாக சிறுபான்மை மக்கள் இவ்விடயம் தொடர்பாக அதிக கவனம் செலுத்த வேண்டியுள்ளதென மனித அபிவிருத்தி ஸ்தாபனம் தெரிவிக்கிறது. கடந்த வாரங்களில் மலைய மக்களை மையமாகக் கொண்டு பிரதேச செயலகம் மற்றும் கிராம சேவகர் எல்லைகளை மீளமைத்தல், மீள் நிர்ணயம செய்தல் தொடர்பாக பல்வேறு தரப்பினர் மத்தியில் கலந்துரையாடல்களையும், கள ஆய்வுகளையும் மத்திய, ஊவா, சப்ரகமுவ போன்ற மாகாணங்களில் மேற்கொண்டது. அதனைத் தொடர்ந்து உயர்மட்ட கலந்துரையாடல் கொழும்பில் நடைபெற்றது. கலாநிதி ஏ.எஸ். சுந்திரபோஸ், பேராசிரியர் எம். எஸ். மூக்கையா, திரு எஸ் விஜயசந்திரன் ஆகியோர்களின் ஆய்வறிக்கையினை அடிப்படையாகக் கொண்டும் பல்வேறு மட்டங்களில் இருந்து முன் வைக்கப்பட்ட ஆலோசனைகள் மூலம் தயாரிக்கப்பட்ட முன் மொழிவுகளை கொண்டும் நுவரெலியா, கண்டி, பதுளை, இரத்தினபுரி போன்ற மாவட்டங்களுக்கான முன்மொழிவுகள் மனித அபிவிருத்தி ஸ்தாபனத்தினால் தயாரிக்கப்பட்டுள்ளன. இதனடிப்படையில் மலையக மக்கள் வாழும் பகுதிகளில் பிரதேச செயலகங்கள் மற்றும் கிராம சேவகர் அங்கு வாழும் மக்கள் தொகைக்கேற்ப அதிகரிக்கப்படல் வேண்டும் எனவும் இதற்கு சகலரினதும் ஒத்துழைப்பு அவசியம் என்றும் மனித அபிவிருத்தி ஸ்தாபனம் வலியுறுத்தியுள்ளது. இது தொடர்பாக வெளியிட்டுள்ள அறிக்கையில்

மலையக மாவட்டங்களை பொறுத்தவரையில் வடக்கு கிழக்கிற்கு அப்பால் மிக அதிகமான தமிழ் பேசும் மக்களைக் கொண்டதாக காணப்படுவது நுவரெலியா மாவட்டமாகும். ஓப்பீட்டு ரீதியில் நுவரெலியா மாவட்டம் ஏறக்குறைய 7,55,500 பேர்கள் சனத்தொகையை கொண்டிருந்த போதும் அங்கு ஐந்து(5) பிரதேச செயலகங்களே காணப்படுகின்றன. அதேவேளை அம்பேகமுவ பிரதேச செயலகம் சராசரியாக 130,000 தோட்ட மக்களுக்கு சேவையாற்ற வேண்டியுள்ளதோடு, ஒரு கிராம சேவை அலுவலர் சராசரியாக தோட்டப்பகுதியில் ஏறத்தாழ 3500 மக்களுக்கு சேவை செய்ய வேண்டியுள்ளது. இது தேசிய மட்டத்தை விட ஐந்து (5) மடங்கு பெரிதானது.

அதேபோல் கண்டி மாவட்டத்தை எடுத்துக் கொண்டால் பெருந்தோட்ட மக்கள் சார் அல்லது தமிழ் பேசுகின்ற மக்கள் அதிகமாக பன்வில , புசல்லாவ, நாவலபிட்டிய, தெல்தோட்ட, இரங்கலை, பிரதேசங்களில் வாழ்கின்றனர். இவ்வடிப்படையில் பெருந்தோட்ட மக்களை மையமாகக் கொண்டு புதிதாக ரங்கலை பிரதேசத்தில் 30 கிராம சேவகர் பிரிவுகளை உள்ளடக்கிய ஒரு புதிய பிரதேச செயலகம், ரஜவெல பிரதேசத்தில் 30 கிராம சேவகர்களை உள்ளடக்கிய ஒரு புதிய பிரதேச செயலகம் புதிதாக அமைக்கப்பட வேண்டுமென பிரேரணை கொண்டுவரப்பட்டுள்ளது.

பதுளை மாவட்டத்தை எடுத்துக் கொண்டால் மலைய பெருந்தோட்ட மக்கள் பசறை, ஹாலி-எல, அப்புத்தளை, போன்ற பிரதேசங்களிலேயே செறிவாகக் காணப்படுகின்றனர். அதேபோல இப் பிரதேசங்களில் தமிழ் பேசுகின்ற மக்கள் குவியப்படுத்தப்பட்டுள்ளமை அவதானிக்கக் கூடியதாக உள்ளது. அந்த அடிப்படையில் நமுனுகல பிரதேசத்தில் 50 கிராம சேவகர் பிரிவுகளை உள்ளடக்கிய ஒரு புதிய பிரதேச செயலகம் அமைக்கப்பட வேண்டியுள்ளது. அத்துடன் ஹல்துமுல்ல பிரதேச செயலகம் இரண்டு பிரிவாக பிரிக்கப்பட்டு புதிதாக வெலன்விட்ட என்ற பிரதேச செயலகம் உருவாக்கப்பட வேண்டியுள்ளது.

இரத்தினபுரி மாவட்டத்தில் பலாங்கொட, இம்புல்பே, இறக்குவான, காவத்தை, நிவித்திகலை போன்ற பிரதேசங்களிலேயே பெருந்தோட்டங்கள் மையப்படுத்தப்பட்டுள்ளன. இப் பிரதேசங்களில் வாழும் தமிழ் பேசும் மற்றும் கிராமிய பெருந்தோட்ட மக்களின் நலன் கருதி பலாங்கொட, இப்புல்பே ஆகிய பிரதேச செயலகங்களுடன் புதிதாக மாரத்தன்ன என்ற பிரதேச செயலகம் 40 கிராம சேவகர் பிரிவுகளை உள்ளடக்கியதாக உருவாக்கப்பட வேண்டுமென பிரேரிக்கப்பட்டுள்ளது. அதேபோல் 38,000 சனத்தொகையையும் 38 கிராம சேவகர் பிரிவுகளையும் மையமாக கொண்டு புதிதாக இறக்குவானை என்ற பிரதேச செயலகம் உருவாக்கப்பட வேண்டுமென பிரேரிக்கப்பட்டுள்ளது.

மழைக்காலங்களில்

தொழிலை இழக்கும் இறப்பர் தோட்டத் தொழிலாளர்கள்

இறப்பர் தோட்டங்களில் வேலை செய்யும் தொழிலாளர்கள் மழைக் காலங்களில் இறப்பர் பால் வெட்ட முடியாததால் நாளாந்தம் வேலைகளை இழப்பதுடன் பொருளாதார ரீதியில் பெரும் பாதிப்புக்குள்ளாகின்றனர்.

ஏனைய தொழில்துறைகளைப் போலவே இயற்கை அனர்த்தங்களால் தொழிலாளர்கள் பாதிக்கப்படும் போது அவர்களுக்கும் நிவாரண மற்றும் நிதியுதவிகளை வழங்க வேண்டுமென தொழிலாளர்கள் தெரிவிக்கின்றனர்.

குறிப்பாக பெருந்தோட்டங்களில் வேலை செய்யும் தொழிலாளர்கள் கடும் மழை காரணமாக வேலை செய்ய முடியாமலே போனால் அன்றைய நாட் சம்பளத்தை இழக்கும் நிலைக்குத் தள்ளப்படுகின்றனர். தோட்டத் தொழிலாளர்களைப் பொறுத்த வரையில் அவர்கள் நாட் சம்பளத்தையே நம்பி வாழ்ந்து வருகின்றனர். அவர்களின் இந்த நிலையானது 150 ஆண்டுகளைக் கடந்தும் தொடர்வது மிகவும் கவலைக்குரிய விடயமாகும்.

பெருந்தோட்டத் துறையில் தேயிலை உற்பத்தி துறையில் ஈடுபடுபவர்களின் நிலையும் அது போன்றே தொடர்கிறது. ஆனால் தொழிலாளர்களை மேற்பார்வை செய்யும் தோட்ட உத்தியோகத்தர்களைப் பொறுத்த வரையில் மாதச் சம்பளம் பெறுவதால் தமது குடும்ப பொருளாதாரத்தை சமாளித்துக் கொள்ளக் கூடியதாக இருக்கிறது.

பெருந்தோட்டத் துறையில் கடும் மழை பெய்தால் இறப்பர் உற்பத்தி பெரும் பாதிப்பை ஏற்படுத்தும். மழைக் காலங்களில் இறப்பர் பால் வெட்ட முடியாது. தனியே இறப்பர் உற்பத்தியை மட்டும் கொண்டிருக்கும் தோட்டங்கள் முடங்கிப் போய்விடுகின்றன.

களுத்துறை மாவட்டத்தில் இறப்பர் தோட்டங்களே அதிகளவில் காணப்படுகின்றன. இறப்பர் பால் வெட்டும் தொழிலாளர்கள் மழைக் காலங்களில் வேலை எதுவுமின்றி இருக்க வேண்டியுள்ளது. இந்நிலையில் அவர்கள் வேறு தொழில்களைச் செய்யக் கூடிய சூழல் இறப்பர் தோட்டங்களில் இல்லாததால் அவர்களுக்கு நிவாரண உதவிகளோ அல்லது விசேட கொடுப்பனவுகளோ கிடைப்பதில்லை. இதனால் தொழிலாளர்கள் எதுவித வருவாயும் இன்றி சொல்லொணா துயரங்களை அனுபவித்து வருகின்றனர். குடும்ப வறுமை காரணமாக தொழிலாளர்கள் தமது பிள்ளைகளை பாடசாலைக்கு அனுப்ப முடியாதுள்ளது.

களுத்துறை மாவட்டத்திலுள்ள வெளிப்பென்னை, யட்டதொல, மேல்காவ, நேபொட, பதுறலியா போன்ற பகுதி மக்கள் வெள்ளப் பெருக்கு ஏற்பட்டால் வெளி மாவட்டங்களுக்கு செல்ல முடியாத நிலையேற்படுகிறது. அப்பகுதி தோட்ட மக்களுக்கு தோட்ட நிர்வாகமோ, அரசியல், தொழிற்சங்கத் தலைமை களோ, தொண்டு நிறுவனங்கள் எதுவும் உதவியளிக்க முன்வருவ தில்லை. அதேவேளை தோட்டப் பகுதிகளை அண்மித்த கிராமப் பகுதிகளில் அந்தந்த கிராம சேவை உத்தியோகத்தர்கள் ஊடாக தகவல்கள் சேகரிக்கப்பட்டு பிரதேச செயலகங்கள் ஊடாக அனைத்து உதவிகளும் வழங்கப்படுகின்றன. அது மட்டுமல் லாது அரசியல்வாதிகளும் போட்டிப் போட்டிக் கொண்டு நிவாரணப் பொருட்களை வழங்குவார்கள். ஒருசில அரசியல்வாதிகள் மட்டும் பாகுபாடின்றி தமது சேவைகளைச் செய்கின்றனர். அரசாங்கத்தின் உதவிகள் எதுவும் தோட்ட மக்களைச் சென்றடைவது மிகவும் குறைவு.

எனவே, இவ்வாறான விடயங்கள் தொடர்பாக தொழிற்சங்கங்கள், தோட்டக் கம்பனி உயரதிகாரிகளின் கவனத்திற்கு கொண்டுவர வேண்டியது அவசியமாகும். இயற்கை அனர்த்தங்கள், தொடர் மழை போன்ற காரணங்களால் பெருந்தோட்டத் தொழில்துறை பாதிக்கப்படும் போது தொழிலாளர்களின் நலன்கள் குறித்து கூடிய அக்கறை செலுத்த வேண்டும். அவ்வாறான சந்தர்ப்பங்களில் தோட்டத் தொழிலாளர்களுக்கும் நிவாரணம் வழங்க உரிய நடவடிக்கைகள் எடுக்க வேண்டும்.

தோட்டங்களை நிர்வகிக்கும் கம்பனிகள் இலாபத்தை மட்டுமே நோக்கமாகக் கொள்ளாமல் நாட்டின் அந்நிய செலாவணியை ஈட்டித்தரும் தோட்டத் தொழிலாளர்களின் வாழ்வாதாரத்தை மேம்படுத்தும் விதத்தில் செயற்பட வேண்டும். குறிப்பாக இறப்பர் தோட்டங்களில் வேலைசெய்யும் தொழிலாளர்கள் வெள்ளப் பெருக்கினால் பாதிக்கப்படும் போது நிவாரணம் வழங்க வேண்டும். தோட்டத் தொழிலாளர்களைப் பொறுத்த வரை தோட்டம்தான் அவர்களின் வாழ்க்கை. தோட்டத்தின் வளர்ச்சியின் நலன் கருதி கஷ்டப்படும் தொழிலாளர்களை தோட்ட நிருவாகம் கவனிக்க வேண்டும்.

வெளியில் வேலை செய்பவர்கள் எட்டு மணித்தியாலத்திற்கு குறைவாக வேலை செய்து நாட்சம்பளம் பெறுகின்றனர். ஆனால் தோட்டத் தொழிலாளர்களைப் பொறுத்த வரை காலையில் பிரட்டு களத்திற்கு சென்றால் மாலை வரை வேலை செய்து தோட்ட நிருவாகம் எதிர்பார்க்கும் அளவு இறப்பர் பாலோ, கொழுந்தோ கொண்டு வராவிட்டால் அன்றைக்கு அரை நாட் சம்பளம்தான் கிடைக்கும். இவ்வாறான சூழ்நிலையிலும் தோட்டத்தை நம்பி வாழும் மக்களுக்கு யாரும் கேட்காமலே உதவி செய்ய வேண்டும். இதுவே மழைக் காலங்களில் பாதிக்கப்படும் தொழிலாளர்கள் தோட்ட நிருவாகத்திடம் இருந்து எதிர்பார்ப்பதாகும்.

டி. வசந்தகுமார்

தினகரன்

மலையக அரசியல் தலைமைகள் கடந்த பொதுத் தேர்தலில் கற்ற பாடம்

எதிரும் புதிருமாக நவக்கிரகங் களைப் போல் ஒருவரையொருவர் விலக்கி நின்று பார்த்திருந்த தமிழ் அரசியல் பிரமுகர்கள் கலந்து கொண்ட நிகழ்வொன்று அண்மையில் பதுளையில் நடைபெற்றது. த. பவர் பவுண்டேசன் நிறுவனம் ஏற்பாடு செய்திருந்த இந்நிகழ்வில் அரசியல் தொழிற் சங்கப் பிரமுகர்களஇ கல்வியாளர்கள் சமூக ஆர்வலர்கள் ஊடகவியலாளர்கள் என பலரும் கலந்து சிறப்பித்தனர்.

நடந்து முடிந்த நாடாளுமன்றத் தேர் தலில் பதுளை மாவட்ட தமிழ் பிரநிதித் துவ இழப்பிற்கான காரணங்களை ஆராய்வதே ச்செயலமர்வின் பிரதான நோக்கமாக இருந்தது. முழக்கம் வானொலி யின் நித்தியானந்தனின் அறிமுகவுரையோடு ஆரம்பமான இந்நிகழ்விற்கு பசறை தமிழ் தேசியக் கல்லூரியின் அதிபர் பி. ஆறுமுகம் நெறிப்படுத்து னராக செயற்பட்டார்.

இச்செயலமர்வில் முன்னாள் பிரதியமைச்சர்களான வடிவேல் சுரேஷ் எம். சச்சிதானந்தன் ஊவா மாகாண சபை உறுப்பினர்களான க. வேலாயுதம் அ. அரவிந்தகுமார் முன்னாள் மாகாண சபை உறுப்பினர் பெ. பூமிநாதன் ஆகி யோர் கலந்து கொண்டனர்.

பவர் நிறுவன நிறைவேற்றதிகாரி உப சேன நாணயக்கார செல்விகள் சைலஜா சாஹிரா ஆகியோருடன் ஆசிரியர்கள் கே. பத்மநாதன் எஸ். இராஜ்குமார் ஆகியோர் முன்னின்றனர். சட்டத்தரணிகளான எஸ். சத்தியமூர்த்தி கே. ரமேஷ் குமார் தொழிற்சங்க பிரமுகர் ஆ. முத்துலிங்கம் ஆகியோர் கருத்துக்களை முன்வைத்தனர்.

அன்று பிரஜாவுரிமை இல்லாதிருந்தோம். இன்று பிரதிநிதித்துவம் இல்லாதிருக்கின் றோம். அன்று சட்டம் தடுத்த பிரதிநிதித்துவத்தை இன்று சமூகமே தடுத்து விட்டது. ரோட்டு போட்டவர்களுக்கு வோர்டு போடவில்லை. தோற்கடிக்கப்பட்டு பிரதிநிதித்துவ இழப்பு இந்த இழப்பு போகப் போகத்தான் மக்களுக்குத் தெரி யும் என்கிறார் நிகழ்ச்சி ஏற்பட்டாளரும் த. பவர் நிறுவன உப தலைவருமான வே. உருத்திரதீபன்.

அதிபர் பெ. ஆறுமுகம் உரையாற்று கையில் 1952ம் ஆண்டு முதல் பிரதிநிதித்துவத்தை இழந்திருந்தோம். பின்னர் நியமன எம். பி. பதவி 1990களில் பிரதிநிதித்துவம் என கிடைக்கலாயிற்று. ஒரு சமூகம் தனது கெளரவத்தை நிலைநாட்ட பிரதிநிதித்துவம் அவசியமாகும். நாம் ஏனைய சமூகங்களோடு வாழ பல்வேறு தடைகள் உள்ளன. தடைகளை தகர்ந்த்தெறிந்து தமிழர்களின் பாதுகாப்பு க்கு தமிழ் பிரதிநிதித்துவம் அவசிய மென்பதை சிந்திக்க வேண்டும்.

கல்வி சுகாதாரம் போன்ற பிரச்சினை களுக்கு தீர்வுகாணவே மக்கள் பிரதிநிதி களை அனுப்புகின்றனர். கடந்த காலத்தில் அவர்களினது உள்ளுடுகள் குறைவானதா என்பதை பிரதிநிதித்துவ இழப்பு யோசிக்க வைத்துள்ளது. மத்திய அரசாங்கத்தினது செயற்பாடு போலவே அதிகார பரவலாக்கலின்படி மாகாண சபை இயங்குகிறது. ஆனால் அண்மைய காலங்களில் மாகாண சபை பிரதிநிதித்துவம் படிப்படியாக குறைந்து வருகிறது என்றார்.

வடிவேல் சுரேஷ்இ ‘தமிழ் பேசும் பிரதிநிதித்துவம் என்பது வானத்திலிருந்து கிடைப்பதில்லை. முன்னாள் பிரதி அமைச்சர் வடிவேல் சுரேஷ்இ மக்கள் விரும்பாதவர்களை நிராகரித்திருக்கலாம். ஆனால் முழுப் பிரதிநிதித்துவமும் இல்லாமல் போக என்ன காரணமென சிந்திக்கவில்லை. புத்திஜீவிகள்இ வர்த்த கர்கள் என பலரிருந்தும் நம் பங்குதாரராக இல்லை. தேர்தலில் பதுளை மாவட்ட தமிழ் மக்களே தோல்வியடைந்துள்ளனர். மாகாண சபையில் ஏற்பட்ட தோல்வியும் இதற்கு காரணமாகிறது. வேட்பாளர் தோல்வியடையவில்லை. சமூகமே தோல்வி கண்டுள்ளது’.

ஒரு இலட்சத்து 16 ஆயிரம் தமிழரும் 40 ஆயிரம் முஸ்லிம்களும் இருந்தும் நாம் சிந்திக்க தவறிவிட்டோம். ஒருவரை ஒருவர் குரோத மனப்பான்மையோடு பார்க்கின்ற நாம் தெரிவாகக் கூடியவர் என்று பெருமைக்காக சொல்லவில்லை. போர் நடந்த வடக்கு கிழக்கு பகுதிகளில் கூட பிரதிநிதிகளாக 15 பேர் தெரிவு செய்யப்பட்டுள்ளனர் என்றார் முன்னாள் பிரதி அமைச்சர் வடிவேல் சுரேஷ்.

கே. வேலாயுதம் இந்நிகழ்வில் கருத்து தெரிவிக்கையில் ஜனாதிபதித் தேர்தலில் காணப்பட்ட நிலை இப்போது முற்றிலுமாக மாறியிருக்கிறது. ஊவா மாகாண இளைஞர் யுவதிகள் கொழும்பிலேயே பெரும்பாலும் கடமை புரிகின்றனர். சுமார் 30 ஆயிரம் பேர் வெளியில் மாவட்டங்களில் உள்ளனர். பதுளை பசறைபண்டாரவளை அப்புத்தளை வர்த்தக நிலையங்களில் கடமை புரிந்த கடைச்சிப்பந்திகள் கூட வாக்களிக்கச் செல்லவில்லை.

ஜனாதிபதித் தேர்தலின் போது பொன் சேகாவுக்கு 23 ஆயிரம் வாக்குகளும்பொதுஜன ஐக்கிய முன்னணிக்கு பதினெட்டாயிரம் வாக்குகளுமே பசறையில் கிடைத்தன. இம்முறை 11 ஆயிரத்தால் பெரும் பின்னடைவு ஏற்பட்டது. அரசு செய்த சூழ்ச்சிதான் இந்த காலத்தில் அதுவும் தமிழ் சிங்கள புதுவருட தினத்தை அண்மித்த காலத்தில் தேர்தல் நடாத்தியமையும் பின்னடைவுக்கு காரணமாகும். ஒரு இலட்சத்து 16 ஆயிரம் விருப்பு வாக்குகளை இல்லாமற் செய்து விட்டது.

தொழிற்சங்கத்தின் ஊடாகத்தான் தொழிலாளர்கள் உரிமைகளை பெற்று வருகின்றனர். 167 தொழிற்சங்கங்கள் இன்று மலையகத்தில் உள்ளன. இத்தொகை மேலும் அதிகரிக்கலாம். இந்த தொழிற்சங்கங்களும் மக்களை பலவாறு திசை திருப்பி விடுகின்றன. இது வரையிலும் பொது அமைப்பிலான வேலைத் திட்டம் எதுவுமில்லை.

வாக்குகளும் வாக்குச் சீட்டு விற்பனை யும் தொடருகின்றன. அரசியல் ரீதியான கல்விஇ வாக்குகள் தொடர்பான உன்ன தம் அரசியல் ரீதியான தெரிவு அவசியம். இத் தேர்தல் மக்களை சிந்திக்க சந்தர்ப் பம் அளித்துள்ளது. மலையக மக்கள் மத்தியில் தொழிற்சங்கங்களுக்கு அப்பால் பொதுவான அரசியற் செயற்பாடு அவ சியம் என வலியுறுத்தப்பட்டுள்ளது. கடந்த காலங்களில் சிறுபான்மை மக்க ளுக்கு இருந்த உரிமை சிறிது சிறிதாக அருகி போயுள்ளது. தோட்ட உட்கட்ட மைப்பு அமைச்சு அருகிப் போய் திணைக்களமாக மாறியுள்ளது. டில்லி இதற்கு அழுத்தம் கொடுத்தும் கூட நடைமுறைக்கு வரவில்லை. எங்களை நாமே விமர்சனம் செய்து கொண்டு பாதிக்கப்பட்டுள்ளோம்.

முன்னாள் கல்வி பிரதி அமைச்சர் எம். சச்சிதானந்தன்இ ஊவா மாகாண சபையில் முதலில் போட்டியிட்ட போது 62 ஆயிரம் வாக்குகளே இருந்தன. இணைந்து போட்டியிட்டதால் எம்.சுப்பையாஇ சிவம் லோகநாதன்இ சச்சிதானந்தன் என மூவர் தெரிவானோம். இந்த இணைப்பும்இ மாகாண சபை பிரதிநிதித்துவமுமே கால போக்கில் நாடாளுமன்ற பிரதிநிதித்துவத்திற்கு அடித்தள மிட்டது. வர்த்தகர்கள்இ சிப்பந்திகள் வாக்களிப்பதில் சிரத்தை காட்டாததும்இ அடையாள அட்டையில்லாத காரணத் தினாலும்இ அதில் காணப்பட்ட பெயர் குழப்படியாலும் கூட பலருக்கு வாக்களிக்க முடியாத நிலை கடந்த நாடாளுமன்ற தேர்தலில் ஏற்பட்டதெனலாம். பிரதிநிதிகள் எதுவும் செய்யவில்லை என எவரும் குறை கூற முடியாது.

பெருந்தோட்ட ஆசிரியர்கள் பதவிக்கு 30 ஆயிரம் விண்ணப்பங்கள் கிடைத் தன. அதில் நிராகரிக்கப்பட்டவர்கள் குற்றம் கூறமுடியும். கேள்விக்கேற்ற வகையிலேயே ஆசிரியர் உள்வாங்கப்பட்டனர். அதில் ஊழல் நடந்தது என் சுயலாபம் கருதி பேசாது நிருபண உண்மைகள் இருந்தால் நீதிமன்றம் செல்ல முடியும். மாகாண சபைகளினது சட்டவாக்கத்திற்கு செயற்படும் போதும்இ நாடாளுமன்றத்தின் செயற்பாடுகளுக்கும் வித்தியாசங்களும் தோட்டப்புறங்கள் உள்ளூராட்சி மற்றும் மாகாண சபைக்குள் உள்வாங்கப்படல் வேண்டும். பிர தேச சபையில் அதிக நிதியை எடுக்க முடியாது. அது 8 1/2 லட்சம் 12 1/2 2 லட்சம் என படிப்படியாக மாறி இன்று 25 லட்சமாக உள்ளது. 25 இலட்சமாக இருந்த

நாடாளுமன்ற நிதி 25 இலிரு ந்து 50 இலட்சமாக மாறியுள்ளது.

பதுளை மாவட்டத்தில் 68 தோட்டங் களும் 325 டிவிசன்களும் உள்ளன. இதன் அபிவிருத்திக்கு 38 மில்லியன்இ மூன்று கோடி 80 இலட்சம் தேவை. நமக்கென ஒரு சக்தி தேவை. பிரதி நிதிகளும் கட்டாயம் அவசியம். பிரதிநிதித்துவ இழப்பு மேற்கண்ட நிதி ஒதுக்கீடுகளை கேள்விக்குறியாக்கியுள்ளது. 1948க்கு பிறகு 1977ல் அமரர் செளமிய மூர்த்தி தொண்டமான் புதிய அரசியல் கலாசாரத்திற்கு வித்திட்டார் என்றார் சச்சி.

அ. அரவிந்தகுமார் கருத்து தெரிவிக்கையில் ஆளுங் கட்சியோடு இருந்திருந்தால் ஒரு பிரதிநிதித்துவமாவது கிடைத் திருக்கும் இன்று அரசியற் கொள்கையோடு பலரும் உள்ளனர். கடந்த காலத்தில் பல வேலைத் திட்டங் கள்

முன்னெடுக்கப்பட அரசியலே காரணமாயிற்று. ஆதலால்தான் பிரநிதித் துவம் அவசியமாகிறது. வடக்கு கிழக்கு மக்களுக்காகவே மாகாண சபை திட்டம் வந்தது. ஆனால் மாகாண சபை அமைப்பு கூட பிரதிநிதித்துவத்தை உறுதிபடுத்தவில்லை. ஒன்று சேர்ந்து உறுதிபடுத்த வேண்டியது காலத்தின் கட்டாயமாகும். தேசிய அடையாள அட்டை இல்லாத குறைக்கு மக்கள் விடுதலை முன்னணியும் ஒரு வகையில் பதில் சொல்ல வேண்டும்.நடந்துபோன பிழைகளை ஆராயும் நடவடிக்கைகள் ஒரு புறமிருக்க நடக்கப் போகும் தேர்தல்களிலாவது நமக்கு கவனமும் ஐக்கியமும் எதிர்வு கூறலாகட்டும்.

பதுளை மாவட்ட தமிழ் பிரதிநிதித்துவம் நிச்சயமாக உண்டு. இம்மாவட்டத் தைச் சேர்ந்த பெரும்பான்மை இன பிரதிநிதிகளை தெரிவு செய்து அனுப்பி யுள்ளனர். ஹரீன் பெர்னாண்டோ 50மூ தமிழ் வாக்குகளை பெற்றுள்ளார். உதித்த லொக்கு பண்டாரவும் தமிழ் வாக்குகளை அதிகம் பெற்றுள்ளார். அமைச்சர்களாக உள்ள சிலர் 20மூ அதிகமான தமிழ் வாக்குகளை பெற்றுள்ளனர்.போட்டியென வந்தால் வெற்றி இலக்கை நோக்கியே போட்டியிட வேண்டும். பொதுஜன ஐக்கிய முன்னணியில் போட்டியிட்ட இரண்டு தமிழர் தமிழ் பிரதிநிதிகளை தோற்கடிக்க வேண்டும் என்பதற்காகவே போட்டியிட்டனர். வடிவேல் சுரேஷிற்கு கணிசமான வாக்குகளை சிங்கள மக்களும் வழங்கியிருந்தனர். பதுளை மாவட்டத்தில் கனிசமான வாக்குகள் நிராகரிக்கப்பட்டுள்ளன. அவை பெரும்பாலும் தமிழ் மக்களுடையதாகும். வியாபாரம் சேர்ந்த பலருக்கு விடுமுறை கிடைக்கவில்லை. சுயேச்சை குழுக்க ளுக்கு அ ஆ இ என்று குறிப்பிடாது குழப்பியடிதமையும் தேர்தலை பற்றிய சரியான தெளிவின்மையும்இ மூக்குக் கண்ணாடி இல்லாது வந்த முதியவர்கள்இ சரியான சின்னத்தை அடையாளங் கண்டு கொள்ளாமை போன்றவையும்இ ஐ. தே. க. இரண்டே தமிழர் என்ற காரணிகளும் தமிழ் பிரதிநிதித்துவத்தை இழக்கச் செய்தது எனலாம்.

வேலாயுதம் தேசிய பட்டியலுக்குள் உள் வாங்கப்பட்டிருக்கலாம். மாகாண சபைக்கு கே.விஸ்வநாதன் வந்து சேர வில்லை. எமக்குள் ஏற்பட்டுள்ள பொறாமையே அதனையும் தடுத்துள்ளது. சமூக அபிவிருத்தி அமைச்சினூடாக பல அபிவிருத்தி வேலைகளைச் செய்துள்ளேன் என்றார்.

பொ. பூமிநாதன் கருத்து தெரிவிக்கை யில் பொதுமக்களை குறை கூறிப் பயனில்லை பிரதிநிதிகள் மக்கள் தெரிவின் உரிமை சலுகை தொடர்பாக குரல் எழுப்பினரா? நாடாளுமன்றம் சென்று என்ன செய்தார்கள்? தோட்ட வாரியாக தொழிற்சங்கம் வளர்க்க சாராயம் வழங்கினார்கள். மக்களுக்கு அரசியற் தொழிற் சங்க கல்வி ஊட்டப்படல் வேண்டும். நாங்கள் தமிழர்கள் ஜாதி சார்ந்தவர்கள் மாத்திரம் கூறிக் கொண்டு இருந்த நம் மவரிடையேஇ மாகாண சபைத் தேர்தலில் ஒற்றுமை இருந்ததா? தேர்தலுக்கு முன்னரேயே தோல்வி வருமென நினைத்தோம். ஹிந்தகல எஸ்டேட்டில் கள்ளுத் தவறணை அமைக்க காணித்துண்டு கேட்ட கதையும் உண்டு. அரசியல்வாதிகளே சாராய கலாசாரத்தை உருவாக்கி னர். ஜே.வி.பி. ஒரு போதும் சாராயம் வழங்காது. பதுளை மாவட்ட மக்கள் தமிழர்களுக்கு தகுந்ததோர் பாடத்தை புகட்டியுள்ளனர். எத்தனை பிரதிநிதிகள் மாகாண நாடாளுமன்ற சபைகளுக்கு வந்துள்ளனர்.ஜெனரேட்டர்கள் தலைவர்மாரின் வீடுகளிலேயே உள்ளது. கோவில்களுக்கு வழங்கப்பட்ட ஒலி பெருக்கிகளும் அப்படியே. அடிக்கல் நாட்டுவதில் இருந்த ஆர்வம் செயலுரு பெறவில்லை.எனவேஇ இவற்றை மனதிற் கொண்டு எதிர்காலத்தில் உணர்வு பூர்வ மாக செயற்பட வேண்டும்.தகுதியான பிரதிநிதிகளை தெரிவு செய்ய அடித் தளமிடுவோம் என்றார்.

சட்டத்தரணி எஸ். சத்தியமூர்த்தி:

இன்று கடந்த கால தேர்தலில் வேண்டும் கடந்த காலத்தில் மூன்று பிரதிநிதித்துவம் இருந்தது.தமிழ் பிரதிநிதித்துவத்தின் போட்டியும் தோல்விக்கு காரணமாயின. வாக்களிப்பு பற்றிய அர சியல் அறிவு ஊட்டப்படுதல் வேண்டும். புதிய தேர்தல் முறை பெரும் பாதிப்பை உண்டு பண்ணப் போகிறது. கடந்த கால கசப்பை மாற்ற இனியாவது உறுதி பூணுவோம். பதுளைஇ கண்டிஇ இரத்தினபுரி சிக்கல் நிறைந்த மாவட்டங்களும் இங்கு விகிதாசார பிரதிநிதித்துவ முறையே சிறுபான்மையினருக்கு சந்தர்ப்பமளிக்கும்.

சட்டத்தரணி கே. ரமேஷ்குமார்

காலம் கடந்து ஞானம் பிறந்த கதை யாகி விட்டது. தேர்தலுக்கு முன்பதாக இப்படி கலந்துரையாடல் நடைபெற்றி ருந்தால் இத்தகு நிலை ஏற்பட்டிருக் காது. 100க்கு 65மூ குறைபாடுகள் போட்டி யிட்டவர்களிடையே காணப்பட்டன. ஒரு வாக்கை எனக்குத் தாருங்கள்.மற்றத்தை ஏனையோருக்கு என பெரும்பான்மை யினரை காட்டிய நிலையிருந்தது. அமரர் செளமியமூர்த்தி தொண்டமானின் இறப் புக்கு பின் இ.தொ.கா.வின் நிலைப்பாடும் மாறியுள்ளது.கடந்த கால அனுபவங்க ளாவது புதிய முன்னெடுப்புக்கு அடி கோலட்டும்.

ஆ. முத்துலிங்கம் மலையக மக்களி டையே குறை கூறும் பழக்கமுள்ளது. தீர்வு கூறும் பழக்கமில்லை. யாப்பு திருத்தம் ஊடாக தேர்தல் முறை மாற் றங்கள் தொடரவுள்ளன.தற்போதைய முறை செலவினங்க ளுக்கும் போட்டித் தன்மைக்கும் வழிகோலுகிறது. ரட்னபுர வில் தந்தையும் மகனும் கூட போட்டி யிட்டனர். வெற்றி பெறும் நோக்கில் வாக்குறுதிகளை அள்ளி வழங்குகின்றனர். பிரசாவுரிமையை தொழிற்சங்கங்களே பெற்று கொடுத்தன. அதனூடாகவே வாக்களிக்கும் உரிமை கிட்டியது. அன்று பிரசாவுரிமை இல்லாத எமக்கு இன்று பிரதிநிதிகளும் இல்லாது போடியுள்ளனர். கிராமிய அமைப்பு நமக்குத் தேவை எதிர்காலத்தை எண்ணி சிந்தித்து செயற் படுவது அவசியமாகும். இனப் பிரநிதித் துவம் இல்லாதது பெருங் குறைபாடாகும். சமூகம் தோற்கவில்லை. தோற்கடிக்கப் பட்டுள்ளது. வேட்பாளர்களால் சமூகம் பிளவுபட்டுள்ளது. ஒற்றுமையின்மையே தோல்விக்குக் காரணம். சுயஆய்வுக்கு உட்படுத்துங்கள் என்றார்.

ஆசிரியர் எஸ். ராஜ்குமார் கருத்து தெரிவிக்கையில் வாக்காளர் மீது குறை வேண்டாம். பிரிந்து போட்டியிட்டதும் பதவிக்கு வந்த பின் தொழிற்சங்கத்தை முன்னிலை படுத்தியதுமே தோல்விக்கு காரணம். இடைக்கிடை ஆசிரியர் சிவ குருநாதனின் தேர்தல் பாடலும் ஒலித்தது. பல விடயங்களின் பகிர்வோடு இச் செயலமலர்வு புதுக்கேள்விகளை முன் வைத்து நிறைவுற்றது.

பசறையூர் க. வேலாயுதம்

மக்களை மையமாகக் கொண்டே எல்லைகள் மீளமைக்கப்பட வேண்டும்

இலங்கையின் தற்போதைய பொருளாதார, சமூக, அரசியல் சூழ்நிலைகளை எடுத்து நோக்கும் போது அரசியல் துறையில் பல்வேறு மாற்றங்களை ஏற்படுத்த வேண்டிய தேவை காணப்படுகின்றமை சுட்டிக்காட்டப்படுகின்றது. அவ்வடிப்படையில் யாப்பு சீர்த்திருத்தம், தேர்தல் முறைமையில் மாற்றம் மற்றும் உள்ளூராட்சி அமைப்புகள் இலகுவாக மக்களை அணுகக் கூடியதாக இருக்க வேண்டும்.

அரசாங்கம் பிரதேச செயலக, கிராம சேவகர் பிரிவு எல்லை ஆகியவற்றை மீள் நிர்ணயம் செய்தல் அல்லது புதிதாக அமைத்தல் சம்பந்தமான நடவடிக்கையில் ஈடுபட்டு வருகிறது. அது தொடர்பாக மக்களின் சிவிலமைப்புகளின் கருத்துக்களை கோரியுள்ளது. உள்ளூரா ட்சி அமைப்பின் எல்லைகளில் மாற்றங்களைக் கொண்டு வருதல் என்பது வெறுமனே புவியியலை மாத்திரம் மையப்படுத்தியதாகக் கொள்ள முடியாது. சிவில், அரசியல், பொருளாதார, கலாசார உரிமைகளை சார்ந்த சகல விடயங்களையும் தீர்மானிப்பதாக அமைந்திருந்திருக்கின்றது

சிறுபான்மை மக்கள் இவ்விடயம் தொடர்பில் அதிக கவனம் செலுத்த வேண்டியுள்ளது. இதனடிப்படையில் மனித அபிவிருத்தித் தாபனம் மலையக மக்களை மையமாகக் கொண்டு பிரதேச செயலகம் மற்றும் கிராம சேவகர் எல்லைகளை மீளமைத்தல், மீள் நிர்ணயம் செய்தல் தொடர்பாக பல்வேறு தரப்பினர் மத்தியில் கலந்துரையாடல் களையும், கள ஆய்வுகளையும் மத்திய, ஊவா, சப்ரகமுவ போன்ற மாகாணங் களில் மேற்கொண்டது. இதனைத் தொடர்ந்து உயர்மட்ட கலந்துரையாடல் கொழும்பில் நடைபெற்றது.

கலாநிதி ஏ. எஸ். சந்திரபோஸ், பேராசிரியர் எம். எஸ். மூக்கையா, எஸ். விஜேசந்திரன் ஆகியோரின் ஆய்வறிக்கைகளை அடிப்படையாகக் கொண்டும், பல்வேறு மட்டங்களிலிருந்து முன்வைக்கப்பட்ட ஆலோசனைகள் மூலம் தயாரிக்கப்பட்ட முன் மொழிவுகளைக் கொண்டும் நுவரெலியா, கண்டி, பதுளை, இரத்தினபுரி போன்ற மாவட்டங்களுக்கான முன்மொழிவுகள் மனித அபிவிருத்தி தாபனத்தினால் தயாரிக்கப்பட்டுள்ளன. மேலும் மலையக சிவிலமைப்புகள், அரசியல் கட்சிகள், தொழிற்சங்கங்கள், கல்விமான்கள், புத்திஜீவிகள், பல்கலைக்கழக மாணவர்கள், ஊடகவியலாளர்கள் போன்ற பலர் தமது ஆலோசனைகளையும் ஒத்துழைப்புகளையும் வழங்கியுள்ளமை குறிப்பிடத்தக்கது.

மக்களுக்கு சிறந்த சேவையளிக்கும் நோக்கத்துடனேயே பிரதேச செயலகங்கள், கிராம சேவகர் பிரிவுகள் போன்ற நிர்வாக சேவை அமைப்புக்கள் உருவாக்கப்பட்டன. எனினும் நாட்டின் அனைத்துப் பாகங்களிலும் குறிப்பாக தோட்டப் பகுதிகளிலும் நிர்வாக சேவை முறை மிகவும் பின்னடைவாகவே காணப்படுகின்றன. மலையக மாவட்டங்களைப் பொறுத்தவரையில் வட கிழக்கிற்கப்பால் மிக அதிகமான தமிழ் பேசும் மக்களைக் கொண்டதாகக் காணப்படுவது நுவரெலியா மாவட்டமாகும். ஒப்பீட்டு ரீதியில் நுவரெலியா மாவட்டம் ஏறக் குறையை 7,55,500 பேரை சனத்தொகையாகக் கொண்டிருந்த போதும் அங்கு 5 பிரதேச செயலகங்களே காணப்படுகின்றன. அதேவேளை அம்பகமுவ பிரதேசச் செயலகம் சராசரியாக 130,000 தோட்ட மக்களுக்கு சேவையாற்ற வேண்டியுள்ளதோடு, ஒரு கிராம சேவை அலுவலர் சராசரியாகத் தோட்டப்பகுதியில் ஏறத்தாழ 3500 மக்களுக்கு சேவை செய்ய வேண்டியுள்ளது. இது தேசிய மட்டத்தை விட 5 மடங்கு பெரிதானது. இந்த நிலைமை, பிரதேச செயலகத்தினதும் கிராம சேவை அலுவலரினதும் நிலைமைகளை மட்டுப்பாட்டிற்கு உள்ளாக்குகின்றது. அதேவேளை பயனாளி மக்கள் தங்களுடைய பல்வேறு உரிமை களையும் சலுகைகளையும் இழக்க வேண் டிய நிலைமைக்கு உள்ளாகின்றனர்.

எனவே தான் பல சிவிலமைப்புகள் பிரதேச செயலகங்களில் மக்களுக்கு நியாயமான சேவைகள் சென்றடைய வேண்டும் என வலியுறுத்துகின்றன. இதுவரை காலமும் மலையக அரசியல் தலைமைகளை எடுத்து நோக்கின் அவர்கள் தங்களது அதிகாரத்தின் அல்லது கட்சியின் இருப்பினை கருத்திற் கொண்டே கோரிக்கைகளை முன்வைக்கின்றனரே யொழிய இத்தகயை விடயங்களை மேற்கொள்வதில் அவர்களின் பங்கு மிகக் குறைவாகவே காணப்படுகின்றது. மலை யக அரசியற் கட்சிகள் தமது வாக்கு, வங்கியை மையமாகக் கொண்டு தேர்தலுக்கு முன் வழங்கும் விஞ்ஞாபனங்கள் எந்தளவுக்கு நடைமுறைக்கு சாத்தியமாகியுள்ளன. என்பது கேள்விக் குறியே.

பிரதேச செயலகங்கள் மற்றும் கிராம சேவகர் பிரிவுகள் ஆகியன பற்றிய எல்லைகள் மீள் நிர்ணயம் செய்தல் என்பது ஒரு புவியியல் சார்ந்த விடயம் மாத்திரமல்ல. அது ஓர் அரசியல் சார்ந்த விடயமாகும். மலையக மக்கள் குறிப்பாக இந்திய வம்சாவளித் தமிழர் கள் ஒன்றில் பரந்துபட்ட அளவில் சிறு சிறு குழுக்களாக வாழ்ந்து வருகின்றனர். அல்லது பிரதான போக்குவரத்து தொடர்பு மையங்களிலிருந்து மிகத் தொலைவில் வாழ்ந்து வருகின்றனர். எனவே தற்போதைய பிரதேச செயலக அமைப்பு முறைகள் அவர்களின் பங்கு பற்றலை அல்லது அவர்களின் அணுகு தலை அல்லது அவர்களின் உரிமை களை நிலைநாட்டிக் கொள்வதிலிருந்து மட்டுப்பாடுடையதாகவே காணப்படுகின்றன.

பல சந்தர்ப்பங்களில் பெருந்தோட்ட மக்கள் பிரதேச சபை அமைவிற்குள் உள்வாங்கப்படாதவர்களாக காணப்படுகின்றமையும் குறிப்பிடத்தக்கது. கிராம சேவகர் பிரிவுகளை எடுத்துக் கொண் டால் அண்மைக் காலங்களில் தோட்ட மக்களை உள்ளடக்கிய கிராமப் பிரிவுகள் அமைக்கப்பட்டாலும் கூட இன்று பல்வேறு சிக்கல்கள் காணப்படுகின்றன. சில பிரதேச செயலகங்கள் புவியியல், அடிப்படையில் மிகத் தொலைவில் காணப்படுவதும் அதேவேளை அப்பிரதேச செயலகங்களை அணுகுவதற்கான போக்குவரத்து மற்றும் தொடர்பாடல் வசதிகள் மட்டுப்படுத்தப்பட்டதாகக் காணப்படுவதும் மற்றொரு குறைபாடாகும்.

உள்ளூராட்சி நிறுவனங்களின் எல்லைகள் அப்பிரதேசத்தில் வாழ்கின்ற மக்களை உள்வாங்குவதிலிருந்து மட்டுப்படுத்தப் பட்டிருக்கின்றமையால் அவற்றை மீள் நிர்ணயம் செய்யப்படுகின்ற தேவை காணப்படுகின்றது. உதாரணமாக நுவரெலியா மாவட்டத்தில் சனத் தொகையை அடிப்படையாகக் கொண்டும், புவியியல் இட அமைவை அடிப்படையாகக் கொண்டும் போக்குவரத்து தொடர்பாடலை மையமாகக் கொண்டும், வரலாற்று ரீதியான வறுமையை அடிப்படையாகக் கொண்டும், மொழி வாரியான பிரதேச செயலகங்கள் உருவாக்கப்பட வேண்டியது அவசியமாகின்றது. இதேபோல் பதுளை, இரத்தினபுரி, கண்டி உட்பட ஏனைய மாவட்டங்களிலும் மேற்படி விடயங்களைக் கவனத்திற் கொண்டு எல்லைகளை மீள் நிர்ணயம் செய்தல் அவசியமாக இருக்கின்றது.

புதிதாக முன்மொழியப்பட்டுள்ள பிரதேச செயலகங்கள்

இவ்வடிப்படையில் மனித அபிவிருத்தி தாபனம் கீழ்வருமாறு நுவரெலியா, கண்டி, பதுளை, இரத்தினபுரி ஆகிய மாவட்டங்களுக்கு மலையக பெருந்தோட்ட மக்களையும் தமிழ் பேசுகின்ற மக்களையும் அடிப்படையாக கொண்டு கீழ்வருமாறு 14 புதிய பிரதேச செயலகங்களை உருவாக்குமாறு பிரேரணையை முன்வைக்கின்றது. குறிப்பாக நுவரெலியா மாவட்டத்தில் ஏற்கனவே காணப்படுகின்ற 5 பிரதேச செயலகங்களுடன் புதிதாக அட்டன், நோர்வுட், தலவாக்கலை, நானுஓயா, ராகலை, பூண்டுலோயா, மதுரட்ட போன்ற புதிய 7 பிரதேச செயலகங்கள் பிரேரிக்கப் பட்டுள்ளன.

மும்மொழியப்பட்ட கிராம சேவகர் பிரிவுகள்

அதேபோல் கண்டி மாவட்டத்தை எடுத்துக் கொண்டால் பெருந்தோட்ட மக்கள்சார் அல்லது தமிழ் பேசுகின்ற மக்கள் அதிகமாக பன்விலை, புஸ்ஸலாவ, நாவலப்பிட்டி, தெல்தோட்டை, இரங்கலை பிரதேசங்களிலே வாழுகின்றனர். இவ்வடிப்படையில் பெருந்தோட்ட மக்களை மையமாகக் கொண்டு புதிதாக ரங்களை பிரதேசத்தல் 30 கிராம சேவகர் பிரிவுகளை உள்ளடக்கிய ஒரு புதிய பிரதேச செயலகம், ரஜவெலை பிரதேசத்தில் 30 கிராம சேவகர் பிரிவு களை உள்ளடக்கிய ஒரு புதிய பிரதேச செயலகம், புஸ்ஸலாவ பிரதேசத்தில் 30 கிராம சேவகர் பிரிவுகளை உள்ளடக்கிய ஒரு புதிய பிரதேச செயலகம் புதிதாக அமைக்க வேண்டுமென பிரேரணை செய்யப்பட்டுள்ளது.

பதுளை மாவட்டத்தை எடுத்துக் கொண்டால், மலையக பெருந்தோட்ட மக்கள் பசறை, ஹாலிஎல, அப்புத்தளை போன்ற பிரதேசங்களிலேயே செறிவாக வாழ்கின்றனர். அதேபோல் இப்பிரதேச ங்களில் தமிழ் பேசுகின்ற மக்கள் குவி யப்படுத்தப்பட்டுள்ளமை அவதானிக்கத் தக்கது. அவ்வடிப்படையில் நமுனுகல பிரதேசத்தில் 50 கிராம சேவகர் பிரிவு களை உள்ளடக்கிய ஒரு புதிய பிரதேச செயலகம் அமைக்கப்பட வேண்டியுள் ளது. அத்துடன் ஹல்துமுல்ல பிரதேச செயலகம் இரண்டு பிரிவாக பிரிக்கப்பட்டு புதிதாக வெலன்விட்ட என்ற பிரதேச செயலகம் உருவாக்கப்பட வேண்டியுள்ளது.

இரத்தினபுரி மாவட்டத்தில் பலாங் கொடை, இம்புல்பே, இறக்குவானை, காவத்தை, நிவித்திகல போன்ற பிரதேச ங்களிலேயே பெருந்தோட்டங்கள் மையப்படுத்தப்பட்டுள்ளன. இப்பிரதேச ங்களில் வாழும் தமிழ் பேசும் மற்றும் கிராமிய பெருந்தோட்ட மக்களின் நலன்கருதி பலாங்கொடை, இபுல்பே ஆகிய பிரதேச செயலகங்களுடன் புதிதாக மாரத்தென்ன என்ற பிரதேச செயலகம் 40 கிராம சேவகர் பிரிவு களை உள்ளடக்கியதாக உருவாக்கப்பட வேண்டும் என பிரேரிக்கப்பட்டுள்ளது. அதே போல் 38,000 சனத்தொகையையும் 38 கிராம சேவகர் பிரிவுகளையும் மையமாகக் கொண்டு புதிதாக இறக்குவானை என்ற பிரதேச செயலகம் உருவாக்கப்பட வேண்டும் என பிரேரி க்கப்பட்டுள்ளது.

மலையக பெருந்தோட்ட மக்கள் வாழும் மாத்தளை, கேகாலை, மொனராகலை, குருநாகல் போன்ற மாவட்டங்களிலும் தோட்ட, கிராமிய மக்கள் பயன் பெறுவதற்கு பிரதேச செயலக எல்லைகளை மீள் நிர்ணயம் செய்யப்பட வேண்டிய தேவை காணப் பட்டாலும் கூட அப்பிரதேசங்களின் சமூக அரசியல் நிலைமைகளையும் புவியியல் நிலைமைகளையும் அடிப் படையாகக் கொண்டு பார்க்கும் போது, அவ்வாறான பிரேரணைகளை முன் வைப்பதில் பல சிக்கல்களும் முரண் பாடுகளும் காணப்படுகின்றன. பிரதேச எனவே இம்மாவட்டங்களில் ஏற்கனவே காணப்படுகின்ற செயலகங்களில் பெருந்தோட்ட மக்களை அல்லது தமிழ் பேசுகின்ற மக்களை மையமாகக் கொண்ட அலகுகள் உருவாக்கப்பட வேண்டிய தேவை காணப்படுவது சுட்டிக்காட்டப்படுகின்றது.

மேற்படி பிரேரணைகள் அடிமட்ட மக்களின் ஆலோசனைகளுடன், மலை யகம் சார்ந்த புத்திஜீவிகள் மனித அபி விருத்தி தாபனம் மற்றும் சிவில், அரசி யல் கட்சிகளினாலும் முன்வைக்கப்படு கின்றன. இப்பிரேரணைகள் நடைமுறைப் படுத்துவதென்பது மலையக அரசியல் சார்ந்தவர்களின் பொறுப்பாக இருப்ப துடன், மலையக பொது மக்கள், சிவில் அமைப்புகள், தொழிற்சங்கங்கள், புத்தி ஜீவிகள், வர்த்தகர்கள் போன்ற அனைவரி னதும் பொறுப்பாகும். இவ்வடிப்படையில் மேற்படி முன்மொழிவுகள் சம்பந் தமான பல்வேறு மட்டத்திலான கருத் துக்கலங்கள், கருத்துப் பகிர்வுகள் ஆலோசனைகள் ஏற்பாடு செயப்பட வேண்டியதும், அவற்றை பகிர்ந்து கொள்ள வேண்டியதும் சகலரினதும் பொறுப்பாக இருப்பதுடன் சம்பந்தப் பட்டவர்களுக்கு அழுத்தம் கொடுக்க வேண்டியது மக்களின் பொறுப்பாகும்.

பி. பி. சிவப்பிரகாசம்

மனித அபிவிருத்தி தாபனம்

நன்றி- தினகரன் வாரமஞ்சரி 04-07-2010

மே தினத்திலாவது பெண் தொழிலாளர்கள் கௌரவிக்கப்படுவார்களா?

உதிரத்தை வியர்வையாகச் சிந்தி உழைத்து மனித நாகரிகத்தின் வளர்ச்சிக்கு மாபெரும் பங்காற்றிய உழைப்பாளர்கள் 8 மணி நேரம் கொண்ட உழைப்பை உரிமையாகப் போராடி பெற்ற நாள் மேதின மாக உலகம் முழுவதும் கொண்டாடப் படுகிறது. 16, 12, 10 மணி நேரங்கள் செக்கு மாடுகள் போல் உழைத்து உழைத்து அலுத்துப் போன தொழிலா ளர்கள் நாளொன்றுக்கு 8 மணி நேர வேலை செய்வோமென சூளுரைத்து 1886 ம் ஆண்டு மே மாதம் முதலாம் திகதி கிளிர்ச்சியை நடத்தினர். கிளர்ச்சியை அடக்க கடுமையான தண்டனை கள் கொடுக்கப்பட்ட போதிலும் தோழர்கள் துளியும் அஞ்சாது உறுதியுடன் போராடி அதில் வெற்றியும் கண்டனர்.

அன்று சிந்திய இரத்தத்தை ஆண்டு தோறும் மே தின விழாவில் பாட்டாளி மக்கள் நினைவுகூருகின்றனர். இது ஒன்றும் உழைக்கும் வர்த்தகத்தின் ஓய்வுநாள் அல்ல. பொழுதுபோக்கும் களியாட்ட நாளும் அல்ல. மாறாக மூலதனத்துக்கு எதிராக பாட்டாளி வர்க்கம் இரத்தம் சிந்தி போராடிய நாள். உலக தொழிலாளர் வர்த்தகத்தின் நலனுக்காக போராடி பலர் மரணித்த நாள். வேலைநிறுத்தம் செய்த நாள், மூலதனத்தின் குவிப்பை ஒருநாள் உழைப்பால் மறுத்து அதைக் குறைத்த நாள். மூலதனம் இந்த நாட்களைக் கண்டு அஞ்சி நடுங்கிய நாட்கள் அவை. மூலதனம் தனது அடக்கு முறை இயந்திரத்தையே தொழிலாளி வர்க்கத்துக்கு ஏவிவிட்ட நாள். சுதந்தி ரம் ஜனநாயகத்தை உழைக்கும் வர்க் கத்துக்கு மறுத்த நாள்.

எட்டு மணி நேர வேலை என்ற அடிப்படையான அரசியல் கோசத்தை முன்வைத்து தொடங்கிய போராட்டத்தின் போது அமெரிக்காவில் கொல்லப்பட்ட தொழி லாளர்களின் நினைவாக இக்கோரிக்கையை முன்நிறுத்தி போராடத் தொடங்கிய நாள். இத்தினம் உலகெங்கும் உள்ள தொழிலாளி வர்க்கம் தனது வர்க்க உணர்வோடு ஒன்றுபட்டெழுந்த நாள். மேதினம் என்பது வெறுமனே வெற்றி கோஷங்களை மேடையில் முழங்கும் நிகழ்வாக மாறி வருகின்றது. மேதினக் கூட்டங்களில் மேடைப் பேச்சுக்களும், பட்டாசு சத்தங்களும் முழங்குகின்றன.

ஆனால் தொழிலாளர் தினமான அன்று எந்த மேடையிலாவது தொழிலாளர் கழுத்தில் மாலை விழுந்திருக்கின்றதா? இல்லையேல் தொழிலாளர் எவராவது கௌரவிக்கப்பட்டிருக்கிறார்களா? தொழிலாளியை மேடையில் பேச வைத்து அரசியல் தலைமைகள் தான் கேட்டுக் கொண்டிருந்த சரித்திரங்கள் தான் உண்டா?

மலையகத்தில் மேதினக் கூட்டங்கள் ஒருநாள் கூத்தாக மறைந்து விடுகின்றன. மேதினத்தன்று காலை ஒவ்வொரு தோட்டங்களிலும் கட்சிக் கொடிகள் ஏற்றப்படுகின்றன. கட்சித் தலைவர்கள் பேசுவதை கூட்டத்துடன் கூட்டமாய் நின்று கேட்டுவிட்டு இருப்பிடங்களுக்குத் திரும்பி விடுகின்றனர். தவிர தொழிலாளர் உரிமை, தொழிலாளர் நலன் அல்லது குறைந்த பட்சம் தனது நலன் தொடர்பாக கூட சிந்திப்பதில்லை.

ஆனால் ஒரு சில தோட்டங்களில் தொழிலாளர் விழாக்கள், பூசைகள், விளையாட்டுப் போட்டிகள், பரிசில் வழங்கல் என தொழிலாளர் உளம் மகிழும் நிகழ்ச்சிகள் இடம்பெறுகின்றன. இது சகல தோட்டங்களிலும் நடைபெறுமாயின் மேதினம் சிறக்கும் தொழிலாளர் நன்மை அடைவர்.

இன்று மலையகப் பகுதிகளில் முதலாளித்துவத்தின் தாக்கத்தினாலும், அரசியல் தலைமைகளின் பொறுப்புணர்வு இன்மையினாலும் மேதினம் வெறும் பொழுது போக்கு விடுமுறை நாளாக, ஓய்வுநாளாக, களியாட்ட நாளாக, அரசியல்வாதிகளின் மேடை வாக்குறுதிகளாக காட்டி சிதைக்கப்படுவதால் அதன் தன்மை மறைந்து வருகின்றது.

எட்டு மணி நேர வேலை என்ற கோரிக்கை விடுக்கப்பட்டு 100 ஆண்டுகளுக்கு மேலாக இந்நிலையிலும் கொத்தடிமை நிலை முற்றிலும் நீங்கியதாகத் தெரியவில்லை. எத்தனை வர்த்தக நிலையங்களில் கல்லுடைக்கும் இடங்களில், எத்தனை எஜமான்களின் வீடுகளில், உணவு விடுதிகளில் தினக் கூலிக்காக வேலை செய்யும் இடங்களில் ஏராளமானோர் முழு நேர வேலை களில் சட்டத்திற்கு விரோதமாக அமர்த்தப்பட்டுள்ளனர். இன்னும் அறியாமையினாலேயே வேலை செய்பவர்களும் உண்டு. இவர்களுக்கு தேவையினை பூர்த்தி செய்ய முடியாத கூலியை வழங்குகின்றனர் என்பதை சிந்தித்தல் வேண்டும். இவர்களுள் முறைசார் ஊழியர்களும், முறை சாரா ஊழியர்களும் தங்களை அறியாமலே தங்கள் உரிமைகளை இழந்து வருகின்றனர் என்பதை உணர வேண்டும்.

மலையக தொழிற் சங்கங்கள், கட்சிகள் மலையகத்தில் திருவிழாவாகக் கொடிகளும், போஸ்டர்களும் ஒட்டி கொண்டாடுவார்கள். வாக்குறுதிகளையும் அளிப்பார்கள். ஆனால் வாக்குறுதிகள் எதுவும் நிறைவேற்றப்பட்டதாக இல்லை. மலையகத்தில் எத்தனையோ பிரச்சினைகள் இருக்கின்றன. அவற்றுள் லயன் குடியிருப்புக்கள், காணிப் பிரச்சினைகள், ஊழிய சேமலாப நிதியை உரிய நேரத்தில் பெற முடியாத பிரச்சினைகள், சுகாதாரப் பிரச்சினைகள். எத்தனைத் தோட்டங்களில் அம்பியூலன்ஸ் வண்டி சேவைகள் இருக்கின்றன என்பன பிரதானமானவை.

மேலும் போக்குவரத்து வசதிகள் போதாமையும் பாதைகள் புனரமைக்கப்படாமையும், நிர்வாக அலுவல்களில் மொழிப் பிரச் சினைகள் என்பன குறிப்பிடத்தக்கவை. மலையகத்திற்கென நீண்ட காலத் திட்டங்கள் வகுக்காமை, சிறுவர்களை தொழிலுக்கு அமர்த்துதல், மலையக பட்டதாரிகளின் வேலையில்லாப் பிரச்சினைகள், தொழில் பயிற்சி நிலையங்களின் பற்றாக்குறைகள், தொழில்நுட்ப கல்விசார் நடவடிக்கை கள் இன்மை, போதியளவான ஆசிரியர் பயிற்சி கலாசாலைகள் காணப்படாமை, தோட்டப்புறங்கள் பிரதேச அலகிற்குள் உள்ளடக்கப்படாமை, குறைந்தளவிலான எழுத்தறிவு வீதம், போதியளவான அரச தொழில் வாய்ப்புகள் இன்மை, அடிப்படை ஆவணங்களை பெறுவதில் பிரச்சினைகள், அதிகரித்து வரும் போதைப் பொருள் பிரச்சினைகள், அடிப்படை வசதிகள் பூரணத்துவமின்மை, தேசிய நீரோட்டத்தில் மலையக மக்கள் இணைக்கப்படாமை என தேவைகளின் பட்டியல் நீளுகிறது. இவற்றில் ஏதேனும் ஒன்றை தீர்க்கும் முகமாக கோரிக்கைகள் விடுக்கப்படுகின்றனவா? இல்லை. வெற்றி ஊர்வலங்கள் மட்டும் நடத்தத் தவறுவதேயில்லை.

இலங்கை பொருளாதாரத்தின் பெண்களின் பங்கு அளப்பரியதாகும். இலங்கையின் பொருளாதார மேன்மைக்கு பெண்களின் பங்கு அளப்பரியதாகும். இவர்கள் உடல், உள உழைப்புக்களில் தமது பங்கை செலுத்துகின்றனர். இவர்களே இன்று குடும்ப பாரங்களை சுமப்பவர்களாக உள்ளனர். இவர்களது உரிமைகள் பாலியல் வன்முறை, அதிகரித்த வேலை, அடக்குமுறை, ஆணாதிக்கம் என்ற வகையில் அதிகளவில் மீறப்படுகின்றன. இவர்களுடைய உரிமைகள் மேம்பட வேண்டும்.

எந்த மே தினத்திலாவது பெண் தொழிலாளி ஒருவர் கௌரவிக் கப்பட்டுள்ளாரா? இல்லை. கொழும்பு நகரங்களில் வீட்டு வேலை செய்யும் சிறார்களுள் பெரும்பாலானோர் மலையகத்தைச் சேர்ந்தவர்கள், பொருளாதார சிக்கல்கள் வறுமை என்பதை காரணம் காட்டி வீட்டு வேலைகளுக்கு தொடர்ந் தும் பிள்ளைகளை அனுப்பி வைக்கப் படுகின்றனர். தொழிற் சங்கங்கள் மற்றும் சமூக அமைப்புக்கள், இச்சிறுவர்கள் கல்வி கற்பதற்கு தேவையான நடவடிக்கைகளை எடுப்பதாகக் கூறின.

அந்த முன் மொழிவுகள் எங்கே என இந்த மே தினத்தில் நினைவுகூரல் வேண்டும். மலையக தொழிற்சங்கங்களின் போட்டாப் போட்டித் தன்மையும் தனித்துவத்தை காட்டுமுகமாக பிரிந்து செல்வதும் மலையகத்தில் நீண்ட கால அபிவிருத்தி திட்டங்கள் ஏதும் நடை முறைப்படுத்தப்படாமைக்கான காரணமாகக் கொள்ளலாம். இந்நிலையே கண்டி, பதுளை மாவட்டங்களில் எத்தகையதான தமிழ் பிரதிநிதித்துவத்தையும் பெற முடியாமைக்கான காரணமாகும். எனவே, இம்மே தினத்திலாவது ஒரு குடையின் கீழ் மலையக மக்களுக்கு என கோரிக்கைகளை விடுக்க வேண்டும்.

ஆரம்ப காலங்களில் சாதி அரசியல் செல்வாக்கு செலுத்தியிருந்தது. இன்று அனைத்தையும் தாண்டி சுய நல அரசியலையே நடைமுறையில் காண முடிகிறது. மேலும் அதிகார அந்ஸ்துக்கான போட்டி நிகழ்கிறதே தவிர மக்கள் சேவையில் போட்டி எதையும் காண முடியவில்லை.

உழைக்கும் வர்க்கத்தின் உண்மை நிலை உணர்த்தி தொழிலாளி தனது உழைப்பை தடையின்றி தொடரவும் கட்டளையிடும் அதிகாரியாக மாறவும் அரசியல் அதிகாரத்தை, உரிமையை நிறுவும் நாளாக முன்நிறுத்தி அதை நோக்கிப் போராட மலையக மக்கள் கற்றுக் கொள்ள வேண்டும். சிறு துளி உரிமையையும் போராடி பெற்ற வரலாறே நம்முடையது. உழைப்பும் உயர வேண்டும், உழைக்கும் தொழிலாளியும் உயர வேண்டும்.

தலவாக்கலை கே. எச். கே.